नाटुकली कविता Carnival

तुम्ही कधी कवितेला बोलताना, नाचताना आणि खेळताना पाहिलंय का? 

कविता कार्निव्हलमध्ये कविता पुस्तकाच्या पानांतून बाहेर येऊन मुलांसमोर जिवंत होतात ! त्या गाणी गातात, गप्पा मारतात, नाचतात आणि गोष्टी सांगतात.

संगीत, नृत्य आणि नाटक यांच्या माध्यमातून मुलांना कवितेची सुंदर दुनिया अनुभवता येईल. मराठी, हिंदी आणि इंग्रजी भाषांतील निवडक कविता लहान मुलांबरोबरच मोठ्यांनाही पुन्हा एकदा बालपणात घेऊन जातील. या कार्यक्रमातून मुलांना शांता शेळके, विंदा करंदीकर, मंगेश पाडगावकर, ग.दि. माडगूळकर, दासू वैद्य, अरुणा ढेरे, संदीप खरे यांसारख्या मान्यवर कवींच्या कविता नव्या रूपात अनुभवायला मिळतील. तेव्हा कवितेचा हा सुंदर खजिना बघायला नक्की या !